İlahiyyat İnstitutunun tələbələri Heydər məscidini ziyarət ediblər

Azərbaycan İlahiyyat İnstitutunun (Aİİ) tələbələri ulu öndər Heydər Əliyevin adını daşıyan məscidi ziyarət ediblər.

Tələbələrə məscidin inşası və fəaliyyəti haqqında geniş məlumat verilib.

Ziyarət zamanı Heydər məscidinin axund müavini Rza Rzayev, axund köməkçisi Cəfər Cəfərov tələbələrlə müxtəlif mövzular ətrafında müzakirələr aparıb, onları maraqlandıran sualları cavablandırıb.

Qeyd edək ki, Aİİ tələbələrin dünyagörüşlərinin formalaşdırılması, intellektual səviyyələrinin, mənəvi dünyalarının zənginləşdirilməsi, vətənpərvərlik hisslərinin gücləndirilməsi, sosial məsuliyyət vərdişlərinin aşılanması, o cümlədən, fərdi özünüifadə bacarıqlarının inkişaf etdirilməsi istiqamətində ardıcıl tədbirlər təşkil edir.