İlahiyyat İnstitutunda “50 ayə” yarışması keçirilib
Azərbaycan İlahiyyat İnstitutunun (Aİİ) tələbələri arasında “50 ayə” yarışması keçirilib.
Yarışmanın münsiflər heyətində ali təhsil müəssisəsinin İlahiyyat fakültəsinin müəllimləri – fəlsəfə üzrə fəlsəfə doktoru Vüqar Səmədov, fəlsəfə üzrə fəlsəfə doktoru Əmir Kahayev, sosiologiya üzrə fəlsəfə doktoru Elnur Əzimli təmsil olunublar.
Tələbələr tərəfindən maraqla qarşılanan yarışmada qaliblər münsiflər heyətinin qiymətləndirməsi əsasında müəyyən olunub. Beləliklə, “50 ayə” yarışmasında I yerə – Şəhriyar Fərhadov, II yerə – Kamran Dadaşzadə, III yerə – Sadiq Babayev layiq görülüblər.
Müsabiqənin sonunda qaliblər mükafatlandırılıb, iştirakçılara diplom və təşəkkürnamələr təqdim edilib.
Məlumat üçün bildiririk ki, ali təhsil müəssisəsində tələbələrin dünyagörüşlərinin formalaşdırılması, intellektual səviyyələrinin, elmi biliklərinin artırılması, gələcəkdə mütəxəssis kimi yetişmələri üçün müxtəlif yarışmalar, müsabiqələr keçirilir.